Aktualitet

Pashkët katolike, Rama dhe Basha urojnë besimtarët


Bëhu pjesë e Grupit Zyrtar të Opinion.al
>> KËTU <<
               Publikuar në : 08:53 - 04/04/21 |
Opi Nion

Kryeministri Edi Rama dhe kreu i Partisë Demokratike, Lulzim Basha kanë uruar besimtarët katolikë për festën e Pashkëve.

Kreu i qeverisë përmes një postimi në rrjetin social “Facebook”,  teksa ka postuar një foto të vezëve me ngjyra, simbol i festës i uron të gjithë besimtarët: “Gëzuar Pashkët nga Fieri” .

Ndërsa lideri i opozitës, Lulzim Basha shkruan se kremtimi i Pashkëve shënon triumfin mbi të keqes dhe forcën e ringjalljes së dashurisë.

Më tej, Basha shkruan se sot vendi është në udhëkryq dhe fton të gjithë që të gjejnë forcën dhe të kapërcejnë këtë situatë të vështirë.

“Nga zemra ju uroj Gëzuar Pashkët të gjithë besimtarëve katolikë.  Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet.

Prandaj ju motra e vëllezër që po kaloni vështirësi shëndetësore, nëna dhe baballarë që sot jeni në pamundësi ekonomike, të rinj e të reja që mendoni emigrimin, mbushini zemrat tuaja me shpresë se ditë më të mira po vijnë. Zoti e bekoftë Shqipërinë. Për shumë vjet gëzuar!”, shkruan Basha./Opinion.al

 

Pas