Sofie Kastrioti, pasardhësja e Heroit Kombëtar, Gjergj Kastriot Skëndërbeu ka mbërritur në Kosovë.
Kastrioti është ftuar të marrë pjesë në festën e vjeljes së rrushit, “HardhFest”, dhe të Stone Castle në komunën e Rahovecit.
Ajo është pritur nga përfaqësues të institucioneve të Republikës së Kosovës dhe media.
Sofia u shpreh e ngazëllyer që iu dha mundësia të vizitojë një pjesë të atdheut të saj.
“Jam shumë e lumtur që jam në Kosovë dhe që do të jem pjesë e HardhFest”, u shpreh Sofie Kastrioti me të arritur në Kosovë.
Ndërsa për organizatorët, vizita e saj në Kosovë është cilësuar nder për vendin.
Sofie Kastrioti viziton për herë të parë Republikën Kosovës, ku dhe do të performojë një pjesë të veprave të saja.
Ajo do të qëndrojë deri më datë 5 shtator në Rahovec.
