Ndërsa numri i të infektuarve dhe viktimave në rang botëror vijon të rritet, përpjekjet e qeverive për të vaksinuar të gjithë qytetarët qoftë edhe me kushte, vazhdojnë gjithashtu.
Drejtori i përgjithshëm i OBSH-së, Tedros Adhanom Ghebreyesus rekomandoi që për shkak se “situata emergjente globale” ndaj COVID-19 do vazhdoj, të mos vendoset kushti për “pasaportë vaksine” në udhëtimet ndërkombëtare.
Gjithashtu drejtori i programit të Situatave Emergjente të OBSH-së, Mike Ryan tha se Komiteti nuk rekomandon “kushtin që personat që udhëtojnë të posedojnë dokumentin që dëshmon se janë të vaksinuar”.
Lidhur me “pasaportën për vaksinën” Komiteti u shpreh se “Duke marrë parasysh se nuk dihet ende efekti i vaksinës në uljen e infektimit dhe se aktualisht ka një vaksinim shumë të kufizuar, Komiteti u ka rekomanduar vendeve të mos kërkojnë nga udhëtarët dëshmi se janë vaksinuar”.
Më tej ai nënvizoi se punonjësit e shëndetësisë dhe personat me rrezik të lartë duhet të kenë përparësi në vaksinime./Opinion.al
