Të paktën dy persona kanë humbur jetën pasi një person i armatosur hapi zjarr në aeroportin kryesor të kryeqytetit të Moldavisë, tha ministria e brendshme e vendit.
Sulmuesi, i cili thuhet se ishte shtetas i huaj, qëlloi për vdekje dy persona pasi iu mohua hyrja në vend.
Ndërsa autori po shoqërohej nga zyrtarët në Aeroportin Ndërkombëtar të Kishinauit, ai “mori armën e një roje kufitare” dhe plagosi për vdekje dy personat, thanë autoritetet.
“Në këtë moment rreziku është eliminuar. Agresori është plagosur dhe po trajtohet”, tha policia.
Fluturimet u vonuan, por policia tha se ato do të rifillonin. Të gjithë pasagjerët u evakuuan nga aeroporti.
Një burim policor i tha Reuters se sulmuesi kishte fluturuar nga Turqia dhe kishte përdorur një armë zjarri kundër rojeve kufitare.
Presidentja e vendit, Maia Sandu ofroi ngushëllime për familjet e të vrarëve, duke e quajtur atë “një ditë të trishtuar për të gjithë”./Opinion.al
