Një 37-vjeçar, humbi jetën mbrëmjen e djeshme, në një aksident të regjistruar në rrugën Kuçovë-Belsh. Policia bën me dije se lidhur me këtë ngjarje është arrestuar 21-vjeçari me inicialet K.K.
I riu duke drejtuar makinën në gjendje të dehur, ka humbur kontrollin mbi drejtimin e mjetit. Për pasojë, automjeti është përplasur me mbrojtësen metalike të rrugës dhe si pasojë ka ndërruar jetë 37-vjeçari U.Sh., pasagjer në këtë makinë.
Po ashtu, në makinë ka qenë edhe një 14-vjeçar, i cili është larguar për në banesë pasi nuk ka pësuar lëndime.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
