Një shofer autobusi dhe pasagjeri kanë hapur zjarr në një autobus në lëvizje duke plagosur njëri-tjetrin, thanë autoritetet.
Incidenti nisi kur një pasagjer autobusi, të cilin autoritetet e identifikuan si Omarri Shariff Tobias, u ngrit ndërsa autobusi ishte në lëvizje dhe i kërkoi shoferit që ta linte atë midis stacioneve të përcaktuara të autobusit, sipas një njoftimi për shtyp nga Sistemi i Transitit të Zonës Charlotte.
Ndërkohë shoferi e kundërshtoi duke i thënë se duhet të priste ndalesën tjetër. Pas një shkëmbimi dy-minutësh, Tobias nxori një armë dhe e drejtoi tek shoferi, tha sistemi i tranzitit.
Në këtë kohë, Fullard nxori gjithashtu një armë zjarri, t 137 dy burrat qëlluan ndaj njëri-tjetrit “në vazhdimësi të shpejtë”, megjithëse nuk është e qartë se kush qëlloi i pari.
Shoferi u godit në krah dhe pasagjeri u godit në bark, sipas informacioneve zyrtare.
Të dy shofer dhe pasagjer janë në gjendje të qëndrueshme dhe pritet të shërohen, u tha në një deklaratë të lëshuar të mërkurën.
Tobias u akuzua për sulm me një armë vdekjeprurëse duke shkaktuar lëndime të rënda, duke komunikuar kërcënime dhe duke mbajtur një armë zjarri të fshehur, tha Departamenti i Policisë Charlotte-Mecklenburg në një njoftim për shtyp. Është e paqartë nëse do të ngrihen akuza kundër shoferit.
Fullard u pushua nga puna si operator i autobusëve të sistemit të transitit.
Mbajtja e armës së zjarrit ose armëve të tjera gjatë detyrës ose në pronën e kompanisë është e ndaluar nga politika e kompanisë në vendin e punës dhe punonjësit mund të shkarkohen pas shkeljes së parë, sipas sistemit të tranzitit.
Sistemi i Transitit të Zonës Charlotte tha se Fullard nuk ndoqi protokollin e duhur, ndërkohë policia thotë se po vijon hetimet për rastin./Opinion.al
