Pas ambasadores amerikane, Yuri Kim, ka rezultuar pozitive me COVID-19 edhe diplomatja suedeze në Tiranë, Elsa Hastad.
Ambasadorja e Suedisë Elsa Hastad përmes një postimi në rrjetet sociale ka bërë me dije se rezulton e infektuar dhe do të qëndrojë e izoluar, duke respektuar protokollin.
“Sapo rezultova pozitive me Covid-19. Do të qëndroj e izoluar dhe do të punoj nga shtëpia. Mendimet e mia janë për të gjitha gratë që janë goditur rëndë nga pandemia. Qëndroni të sigurt”, shkruan Hastad.
Hastad dhe ambasadorja Kim kanë miqësi të mirë me njëra-tjetrën dhe shpesh herë kanë udhëtuar bashkë në zona të ndryshme të vendit./Opinion.al
