Vetëm pak orë pas vrasjes së shqiptarit, Aristidh Papa, Greqia është tronditur sërish nga ekzekutimi në mes të rrugës i boksierit, 39-vjeçar, Tasos Mperdesi.
Mediat greke raportojnë se ngjarja e rëndë ka ndodhur në Vari, në jug të Athinës.
Sipas informacioneve nga policia boksieri, u qëllua nga dritarja e një makine ndërsa mediat greke raportojnë se vrasja ndodhi për “larje hesapesh”, pasi Mperdesis ishte një njeri njohur i “natës” dhe një ish-i dënuar në vitin 2008. Plagët ishin të rënda aq sa i riu humbi jetën menjëherë në vendin e ngjarjes.
Autoritetet kanë nisur hetimet për të gjetur dhe arrestuar autorët. Hetimi paraprak për çështjen po kryhet nga Drejtoria e Sigurisë së Atikës.
Kjo është ngjarja e dytë e rëndë kriminale në Athinë pa mbushur ende 24 orë. Të dielën 34-vjeçari shqiptar Aristidh Papa u ekzekutua në një kafene./Opinion.al
