Edison Memolla, kandidati i Partisë Socialiste, fitoi garën për të drejtuar Bashkinë e Rrogozhinës.
Në këtë bashki janë numëruar të gjitha kutitë e votimit dhe ka rezultuar se Memolla mori 5438 vota, duke lënë pas dy rivalët, Ferdinand Saraçi nga PD, me 1966 vota, dhe Hekuran Xhani, nga koalicioni Shtëpia e Lirisë, me 1550 vota.
Rrogozhina bëhet bashkia e dytë që socialistët fitojnë në këto zgjedhje, pas Vorës, rezultatett e të cilës u shpallën mbrëmjen e djeshme, pasi Vora ishte bashkia ku në këto zgjedhje të pjessshme vendore u aplikua votimi elektronik./Opinion.al
