Nuk kishte ndodhur ndonjëherë në Shqipëri që një kryeministër të udhëtonte drejt një shteti të huaj me mision të vetëm; dhënien e intervistave.
Kjo “rregullore e pashkruar” do të thyhej pikërisht nga Edi Rama i cili mori avionin drejt Italisë për tu ulur në studion e emisionit “Porta a Porta” të gazetarit Bruno Vespa.
Në një postim në twitter në mbyllje të 24 orë qëndrim në shtetin fqinj, Rama shkruan: “Për Tiranë pas 24h në Romë, tv më tv e gazetë më gazetë, për të pastruar sa mundej baltën e ziftin që lidershipi qorr i opozitës sonë, i hodhi ndërkombëtarisht Shqipërisë! Ata nxisin dhunë për hesapin e tyre krejt vetjak, po faturën e paguan vendi dhe ekonomia”.
Kujtojmë se shefi i qeverisë shqiptare udhëtoi drejt Italisë me 5 mars, fill pas mbaroi fjalimin e tij në Kuvend, e në një kohë kur sheshi para këtij institucioni ishte mbushur me protestues të thirrur nga opozita që kërkonin largimin e tij./B.K Opinion.al
