Pak ditë më parë, bashkëshortja e shkrimtarit të njohur shqiptar Dritëro Agolli, Sadija u nda nga jeta. Si pasojë e një hemoragjie cerebrale, 76-vjeçarja ndërroi jetë 2 vite pas vdekjes së shkrimtarit të madh.
Përmes një postimi në rrjete sociale vajza e tyre Elona është shprehur se tashmë dy shpirtrat po çmallen dhe se nëna e saj e ka vuajtur vdekjen e bashkëshortit çdo ditë këto dy vjet.
“Më datën 19 shkurt , e bukura nëna ime thirri vdekjen . U rrëzua e vendosur për të bërë paktin me të , që shpirti i saj të puqej menjëhere me atë të atit tim . Ajo, mizorja vdekje donte të mendohej për pak kohë dhe e mbajti në pragun e saj përgjatë 7 ditëve , duke dashur të permbushte dëshiren e të bukurës nënës sime. Me dt 26 në mesdite , e lehtë dhe e bukur si pulëbardhë , nëna ime u end lart , në kerkim e përbashkim me atin tim . Ata tanimë janë bashkë , pasi shpirtrat e tyre , njëri në amëshim e tjetra në jetë , përgjate dy viteve , përcillnin kumte mes tyre , ditë natë e natë dite . E bukura nëna ime flinte pak , përpelitej e sfilitej në mëdyshje, jetonte e nuk jetonte , bëzante e nuk bëzante. Ajo lotonte por nuk qante , ajo buzeqeshte por nuk qeshte. Pas ikjes së shpirtit më të bukur për të cilin ajo ishte marrosur në të gjitha moshët e saj , edhe vetë shpirti i saj ndjehej tërë kohës në vrap , në ndjekje , në përgjim të shpirtit të humbur . Jeta e saj u bë makth , jerm , magji , fluturim . Tanimë vrapi pushoi , ndjekja u sos.
Ajo është e qetë , e bekuara nëna ime tanimë po çmallet . Shpirtrat po çmallen,”-përfundon Elona Agolli./Opinion.al/
