Kryeministri Edi Rama ka mbërritur në Greqi, pas një vizite zyrtare dy ditore në Turqi.
Lajmi është konfirmuar nga vet kryeministri përmes një postimi në “Twitter”. Rama shkruan se ka mbërritur në Athinë për një drekë pune me kryeministrin grek, Kyriakos Mitsotakis.
Rama shprehet se në këtë takim do të diskutohet dhe për koordinimin e mëtejshëm në luftën kundër pandemisë COVID-19.
Po ashtu, në fokust të takimit, sipas tij, do të jenë dhe forcimi i mëtejshëm të marrëdhënieve strategjike mes dy vendeve dhe bashkëpunimi rajonal dhe integrimin europian të rajonit tonë.
“Në Athinë për një drekë pune me Kryeministrin Mitzotakis,për të diskutuar mbi koordinimin e mëtejshëm në luftën e përbashkët kundër Covid19; forcimin e mëtejshëm të marrëdhënieve strategjike mes dy vendeve; bashkëpunimin rajonal dhe integrimin europian të rajonit tonë.“-shkruan Rama./Opinion.al
