Ish prokurorja e speciale në Maqedoninë e Veriut, Katica Janeva ka lënë qelinë e paraburgimit për të shkuar në arrest shtëpie.
Sipas mediave vendase, Gjykata e Apelit vendosi të pranojë garancinë e Janevës dhe ta dërgojë atë në arrest shtëpie pas tre muajsh në paraburgim.
Katica Janeva është pjesë e të akuzuarve në rastin “Reket”. Ajo akuzohet se në bashkëpunim me dy persona të tjerë Boki 13 dhe Zoran Kiçeecin i kanë zhvatur mbi 1.5 milionë euro biznesmenit Orce Kamçev duke i premtuar lirimin nga burgu.
Skandali i rastit Janeva ishte shumë i rëndë për vendin fqinj pasi ajo u vendos në krye të prokurorisë speciale e cila u krijua me mbështetjen e Bashkimit Europian për të hetuar rastet e korrupsionit në nivelet e larta. Rasti “Reket” dëmtoi rëndë besueshmërinë e këtij institucioni pasi në të është përfolur përfshirja e zyrtarëve të lartë, madje edhe vetë kryeministri Zoran Zaev. /Opinion.al
