Si është tani marrëdhënia e Khloe Kardashian me bashkëshortin tradhtar?
Flet për herë të parë Tristan Thompson.
Një ndër lajmet që ka marrë vëmendje maksimale mediatike dhe që është komentuar shumë është tradhëtia e Tristan Thompson ndaj bashkëshortes së tij Khloe Kardashian.
Tradhëtia ndodhi gjatë kohës që ajo ishte shtatzënë. Pas videos që qarkulloi në rrjete sociale, njerëzit kryqëzuan Tristan, por ndërkohë Khloe e ka falur dhe vazhdon të jetojë me të.
Por si mund të jetë marrëdhënia e tyre tanimë? Është një ndër pyetjet që ka lindur, me të drejtë.
Sipas HollywoodLife, Tristan është shprehur se është shumë i shqetësuar për marrëdhënien e tyre dhe mendon se Khloe Kardashian nuk do ta falë kurrë plotësisht. Ai ka bërë më të mirën dhe çdo gjë që Khloe ta falë dhe të besojë sërish tek ai pas skandalit të tradhëtisë, por ndjen frikë pasi mendon se gjërat mes të dyve nuk do të jenë më kurrë njësoj.
“Ai është vërtetë i shqetësuar dhe merakoset se gjërat kurrë nuk do jenë njësoj me Khloe-n pasi ai ka thyer besimin e saj dhe se gjërat nuk do të mund të riparohen plotësisht, pavarësisht se ai i kërkon falje çdo ditë”, tha një burim për HollywoodLife.
