Presidenti Vladimir Putin ka pritur në rajonin e Dagestanit të Rusisë një yll rock, që disa po e interpretojnë si përpjekje të liderit 70-vjeçar për të rritur popullaritetin e tij disa ditë pas shuarjes së një kryengritjeje të armatosur.
Kremlini tha të enjten, se pamjet që tregonin Putinin duke përshëndetur mbështetësit e adhuruar në Derbent, dëshmuan se ai ka një mbështetje “befasuese”.
Putini shihet rrallë të takohet me popullsinë ruse, veçanërisht që nga pandemia e koronavirusit, e cila e pa atë të respektonte rregulla strikte të izolimit, me disa nga ato kufizime ende në fuqi.
Moska të mërkurën në mbrëmje publikoi pamjet e Putinit duke ecur drejt një grupi brohoritës me kryesisht gra në Derbent. Presidenti i ‘ftohtë’ zbriti në shesh, ku jo vetëm përshëndeti mbështetësit që e prisnin dhe e duartrokisnin, por u bashkua me ta dhe u fut në mesin e tyre duke i lejuar vetes selfie dhe madje edhe një puthje në kokë për një vajzë të vogël, foto e cila ka bërë xhiron e rrjetit.
Ky afrimitet me popullin tij vjen pikërisht pas trazirave që mbajtën ‘peng’ qetësinë në Rusi derisa grupi mercenar Wagner, i cili u ngrit kundër udhëheqjes ruse u tërhoq.
Megjithatë ajo që u komentua ishte pashmangshme, pushteti i Putin u trondit nga një grup ushtarësh të cilët kishin luftuar kundër Ukrainës për llogari të tij.
Moska ka këmbëngulur se sundimi i gjatë i Putinit nuk është dobësuar pasi mercenarët e Wagner marshuan qindra kilometra, pothuajse duke arritur në Moskë dhe pushtuan objektet ushtarake në Rusinë jugore, duke u duk se fituan njëfarë mbështetjeje./Opinion.al
