Ambasadori i Bashkimit Europian në Tiranë, Luigi Soreca ka bërë thirrje për bërjen funksionale të Gjykatës Kushtetuese.
Në një postim në Facebook, theksohet se finalizimi e emërimeve në Gjykatën Kushtetuese është një nga kërkesat e Konkluzioneve të Këshillit të BE-së dhe përfundimi sa më i shpejtë i procesit është sqaruar nga Komisioni i Venecias.
“Është thelbësore që të finalizohen emërimet në Gjykatën Kushtetuese. BE vazhdon të inkurajojë autoritetet shqiptare të veprojnë pa vonesë, me synimin për të rivendosur plotësisht funksionimin e Gjykatës. Kjo është një kërkesë e Konkluzioneve të Këshillit të BE-së të datës 25.3.20 dhe duhet të përmbushet para Konferencës së parë Ndërqeveritare. Opinioni i Komisionit të Venecias ofron udhëzimet e nevojshme për të gjithë autoritetet kompetente shqiptare për të përfunduar me shpejtësi emërimet. BE vazhdon të qëndrojë pranë Shqipërisë në rrugën e saj të pranimit në BE.”, thuhet në deklaratën e ambasadorit Soreca.
“Është thelbësore që të finalizohen emërimet në Gjykatën Kushtetuese. #BE ?? vazhdon të inkurajojë autoritetet shqiptare…
Posted by European Union in Albania on Monday, September 14, 2020
Kujtojmë që sot ka ambasadori Soreca ka zhvilluar një takim me Presidentin e Republikës. Për 60 minuta Meta dhe Soreca kanë bashkëbiseduar në zyrën e kreut të shtetit./ Opinion.al
