Pas takimit me ambasadorët SHBA, BE dhe Britanisë së Madhe, opozita ka kërkuar mbledhja e radhës e Këshillit Politik të mbahet ditën e nesërme në orën 10:00.
Mësohet se në këtë mbledhje Opozita e Bashkuar do të prezantojë kërkesën për marrjen e ekspertizës së OSBE/ODIHR.
Ndërkohë, përfaqësuesit e opozitës Oerd Bylykbashi dhe Petrit Vasili presin përgjigjen e përfaqësuesit së mazhorancës Damian Gjiknuri.
Kujtojmë se kreu i PD, Lulzim Basha zhvilloi një takim me zëvendës ambasadoren amerikane, Leyla Moses Ones, ambasadorin e BE, Luigi Soreca dhe ambasadorin e Britanisë së Madhe, Dunkan Norman.
