Një bombë është shkatërruar me shpërthim të kontrolluar në Oslo. Policia rrethoi një pjesë të madhe të zonës Gronland të shtunën në mbrëmje, para se skuadra të shpërthente pajisjen e dyshimtë.
Një zëdhënës i policisë tha se zhurma ishte e fortë dhe se një i dyshuar është në paraburgim. Ngjarja vjen pas tragjedisë në Suedi, ku të premten një kamion u përplas me një dyqan në Stokholm, duke vrarë katër persona dhe duke plagosur më shumë se 15-të.
Policia suedeze ka konfirmuar të shtunën se kishin gjetur një pajisje të panjohur në vendin e shoferit të kamionit të braktisur.
Pajisja në Oslo ishte e aftë për të shkaktuar vetëm dëme të kufizuara, ka thënë policia. Hetimi i është dorëzuar Shërbimit të Sigurisë Policore të Norvegjisë.
