Të dy u përjashtuan nga PD. Një ditë pasi Rudina Hajdari deklaroi se nuk do të linte mandatin, për interesin e Shqipërisë ajo u mor në mbrojtje nga disa figura të Partisë Socialiste.
Por këtë të martë të mbrojtje të saj ka dalë dhe Myslim Murrizi, i cili i përgjigjet Sekretarit të Përgjithshëm të forcës më të madhe në opozitë. Gazment Bardhi, përmes rrjetit social “Twitter” tha se mandati ishte i demokratëve. Dhe Rudina Hajdari nuk i përfaqëson më.
Por për deputetin e Lushnjës, Rudina Hajdari përfaqëson dhe “peshon” më shumë se disa figura të PD-së.
“Po Eno, Bardhi, Beno, Çimi, Ivi, Dhurata ,Endri, Orjola,Tomi, Oerti e kompani, çfarë kontributi kanë në këto 29 vjet që ekziston PD? Po këto a di gjë ti Gazi të kenë qenë në një seksion, grupseksion, kryesi, komision votimi apo numërimi, fushate lokale apo qendrore derisa ju lexoj emrat Basha si deputet e me pas i emëroi anëtarë kryesie??? Po e gjithë kjo “tufë” çfarë përfaqëson Gazi?? Po Basha çfarë përfaqësonte në vitin 2005 kur erdhi deputet e ministër pa ditur se çfarë ngjyre kishte dokumenti i PD?? Po Majlinda Gazi, Aldo? Arenca, Edi Halimi, Bojaxhiu, Andi Beli, Benet Beci e plot hajdut administrate çfarë kontributi kishin ne PD para se te bëheshin ministra e me pas milioner Gazi???”, shkruan deputeti i Lushnjës në Facebook./Opinion.al
