Përfaqësuesi i posaçëm i Shteteve të Bashkuara për Ballkanin Perëndimor, njëherësh zëvendësndihmësi i Sekretarit amerikan të Shtetit, Matthew Palmer, do të qëndrojë ditën e sotme në Kosovë.
Palmer do të zhvillojë një takim me Presidentin, Hashim Thaçi dhe më pas do të flasë me studentë dhe pjesëtarë të shoqërisë civile.
Sipas një njoftimi nga Ambasada Amerikane në Prishtinë, gjatë këtij bashkëbisedimi të hapur Palmer do tu përgjigjet pyetjeve nga publiku.
Kujtojmë se në muajin gusht, Departamenti amerikan i Shtetit ka emëruar Palmerin përfaqësues të posaçëm për Ballkanin Perëndimor, për të ndihmuar integrimin e rajonit në institucionet perëndimore.
Para mbërritjes në Kosovë, Palmer vizitoi Shkupin. Pas takimit me kryeministrin maqedonas, Zoran Zaev, Palmer ka deklaruar se Shtetet e Bashkuara të Amerikës do të mbështesin perspektivën evropiane të Maqedonisë së Veriut./Opinion.al
