Kryeprokurorja Arta Marku është takuar me ministrin e Brendshëm Fatmir Xhafaj.
Takimi është zhvilluar në Ministrinë e Brendshme. Mësohet se takimi kokë më kokë ka zgjatur 45 minuta. Kjo është vizita e parë e Markut në Ministrinë e Brendshme.
Takimi vjen në një kohë, kur Prokuroria e Përgjithshme është përfshirë nga një valë lëvizjesh dhe ndryshimesh.
Ky është takimi i dytë mes Markut dhe Xhafajt, ndërkohë që takimi i parë mes tyre është bërë në zyrën e kryeprokurores, pak kohë pasi ajo u votua në Kuvend.
