Vetëm një ditë pas rënies së Qeverisë së Kosovës, kryeministri në detyrë, Isa Mustafa njofton se do të mbledhë sot kryesinë e LDK-së.
Përmes një statusi në rrjetet sociale Mustafa shkruan se do të mbledhë rreth vetes të gjithë ata që i duan të mirën Kosovës duke lënë të kuptohet se nuk do të tërhiqet.
Statusi i Mustafës:
Anëtarë dhe përkrahës të LDK-së,
Sot do të mbledh Kryesinë dhe kryetarët e degëve të LDK-së. LDK e fuqishme dhe unike do të ofrojë perspektivën më të mirë për Kosovën. Do të mbledhim rreth vetes të gjithë ata që ia dojnë të mirën këtij vendi. Vullneti i LDK-së i gërshetuar me interesat e vendit, kapërcen çdo interes tjeter!
