Kryeprokurorja Arta Marku thotë se i ka gjetur prokurorët që do të japin pretencën për Emiljano Shullazin dhe të pandehurit e tjerë.
Në një njoftim për mediat mbërritur paraditen e sotme thuhet se “Në Prokurorinë Pranë Gjykatës së Shkallës së Parë për Krime të Rënda, Tiranë përcaktohet grupi i prokurorëve që do të përfaqësojnë në gjykim çështjen në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi. Emrat e prokurorëve do të bëhen publikë në seancën gjyqësore të radhës”.
Kujtojmë se një ditë më parë, Arta Marku urdhëroi procedim disiplinor për 10 prokurorë të Krimeve të Rënda që nuk pranuan të marrin pjesë në short. Po kaq tre prokurorë, mes tyre Besim Hajdarmataj (prokurori i Tahirit) i degdisi në rrethe si masë ndëshkimore.
