Pas dorëzimit të mandatit të deputetit Eduard Halimi, mandati i takon Juvina Qevanit e cila është në listë e gjashta në qarkun e Beratit, ku PD mori vetëm një mandat.
Qevanit i takon mandati, pasi demokratët nuk zbatuan detyrimin e kodit zgjedhor për të vendosur 1 zonjë në 3 pozicione në listë dhe për këtë arsye u gjobitën nga KQZ.
E kontaktuar nga Opinion.al, Qevani tha se ka djalin e mitur me probleme shëndetësore dhe nuk mund të jetë në shërbim të elektoratit duke refuzuar mandatin.
Për rrjedhojë mandati i deputetit i kalon një tjetër gruaje në listën e qarkut Berat e cila është Monika Qose.
Kjo e fundit, e pyetur nga Opinion.al ka theksuar se nuk ka marrë asnjë konfirmim zyrtar për marrjen e mandatit.
E pyetur nëse ka pasur kontakte me drejtues lokal apo qendror të PD-së, Qose tha se ende nuk ka kontaktuar.
