Ministrja e Drejtësisë, Etilda Gjonaj reagoi në lidhje me kallëzimin që presidenti Meta bëri sot ndaj saj dhe tre zyrtarëve të tjerë në SPAK.
Ajo tha se ka zgjedhur ti përgjigjet presidentit në rrugë institucionale megjithëse e konsideron padinë ndaj saj një politikë të dëshpëruar dhune verbale dhe absurde.
LEXO EDHE – “Koha që drejtësia të veprojë!”, Gjonaj reagon pas kallëzimit të Metës
Pas reagimit të saj, zëdhënësi i Presidencës, Tedi Blushi është përgjigjur në Facebook.
“Edhe falsifikatore edhe krenare! Ti qofsh moj çupë!”
Presidenti Meta ka kallëzuar sot penalisht në SPAK, ministren e Drejtësisë Etilda Gjonaj, Sekretarin e Përgjithshëm të Ministrisë së Drejtësisë, Gentian Deva dhe Etleva Haxhian, me detyrë Drejtoreshë e Qendrës së Botimeve Zyrtare.
Ata akuzohen nga Presidenti se kanë shkelur Kushtetutën me botimet në Fletoren Zyrtare të vendimit për emërimin e Arta Vorpsit si anëtare të Gjykatës Kushtetuese.
Sipas padisë ata akuzohen për “Shpërdorim i Detyrës”, “Ushtrimi i ndikimit të paligjshëm ndaj personave që ushtrojnë funksione publike”, “Falsifikim i dokumenteve” dhe “Përvetësimi i titullit apo i detyrës shtetërore”. /Opinion.al
