Xhani De Biazi ka folur pas largimit të Milot Rashicës te Kosova dhe shpreh keqardhjen e tij, pasi e shihte atë si pikë kyçe për kualifikueset e Botërorit.“E dija prej ditësh vendimin e Rashicës. Më vjen keq, pasi e shihja si pikë kyçe për kualifikueset e botërorit. Arsyeja e largimit? Ndoshta i ka mbetur qejfi që nuk erdhi në Europian, ndoshta dikush e ka nxitur të largohet. Më vjen keq për tifozët, që e donin në skuadër”, u shpreh ndër të tjera tekniku italian, i intervistuar në lidhje telefonike nga Supersport.Gjithashtu, ai zbuloi se një tjetër lojtar që do të largohet drejt Kosovës është mesfushori Herolind Shala, një tjetër lojtar që mbeti jashtë Europianit.
