Policia kufitare ka dalë në një njoftim zyrtar lidhur me radhët e gjata të krijuara në daljet nga Shqipëria në pikën doganore të Kapshticës. Bëhet me dije se radhët janë krijuar për shkak se pala greke ka qenë duke punuar me dy sportele.
“Policia Kufitare e Kapshticës menjëherë mori takim me homologët e në doganën greke të cilët pas takimit shtuan sportelet dhe aplikuan procedurën e përshpejtuar”, bën me dije policia duke njoftuar se situata është normalizuar.
Sqarim i Policisë Kufitare Kapshticë
Gjatë pasdites së sotme në Pikën e Kalimit Kufitar Kapshticë, ka patur fluks të shtuar të lëvizjes.
Për shkak se dogana në palën greke punonte me dy sportele u krijian radhë në dalje të Republikës së Shqipërisë.
Policia Kufitare e Kapshticës menjëherë mori takim me homologët e në doganën greke të cilët pas takimit shtuan sportelet dhe aplikuan procedurën e përshpejtuar.
Falë masave të marra lëvizja ka qenë e njëtrajtshme nga të dyja anët e kufirit duke eleminuar radhët e krijuara.
Aktualisht në këtë pikë kalimi nuk ka radhë dhe lëvizja paraqitet normale.
