Pas përfundimit të protestës së qytetarëve të Unazës së Re policia ka ndaluar disa prej tyre, ndër ta edhe ish-deputetin Klevis Balliu.
Balliu ishte në protestë si pjesë e përfaqësuesve të opozitës sëbashku me kreun e Partisë Demokratike Lulzim Basha. Kjo nuk është hera e parë që ish-deputeti Balliu shoqërohet nga policia pas protestave në Unazën e Re.
Policia ka ndaluar edhe pjesëmarrës të tjerë pas protestës. Ndërkohë përfaqesues të Partisë Demokratike po shkojnë tek Drejtoria e Policisë, ku po mbajnë të ndaluar Klevis Balliun.
Më herët janë arrestuar disa protestues të cilët janë lënë në burg nga gjykata. Kjo solli sot edhe reagimin e banorëve të cilët protestojnë prej më shumë se një viti për të mbrojtur shtëpitë e tyre. Gjatë protestës së tyre ditën e sotme kishte forca të shumta policie.
Banorët paralajmëruan se protesta do të vijojë edhe ditën e nesërme. /Opinion.al
