Kryesore

Pas protestës, PD Shkodër: Policia ka nisur arrestimet politike


               Publikuar në : 14:59 - 19/08/19 |
Opi Nion

Dega e Partisë Demokratike në Shkodër ka reaguar pas konstituimit të këshillit bashkiak në Shkodër, i cili doli nga zgjedhjet e 30 qershorit.

PD Shkodër është shprehur se konstituimi i këshillit bashkiak është ilegjitim dhe se nuk mbështet në vullnetin e qytetarëve.

Po ashtu, në reagimin e selisë blu thuhet se policia ka arrestuar disa persona të cilët protestuan ditën e sotme kundër krijimit të këshillit bashkiak.

Teksa i cilëson arrestime politike, PD shprehet se mes të arrestuarve është edhe kryetari i FRPD Shkodër. Arvit Bushati.

POSTIMI I PLOTE

Shkodra, nuk iu përkul komunizmit e kurrsesi nuk do ta pranojë as përkuljen ndaj Edvin Ramës! Protesta e sotshme ishte shprehja më e qartë e vullnetit të qytetarëve të Shkodrës,e konstituimi i këshillit ilegjitim bashkiak,asgjë tjetër veç një shfaqje e turpshme që kurrsesi nuk i ngjan një konstituimi të vërtetë,kur vendi i organizimit ndërrohet në sekondën e fundit e mbledhja organizohet me prezencën e forcave të FNSH-së. Një shfaqje qesharake brenda një celule të uzurpuar me forcë nga klika e Ramës. Shfaqje që vazhdon me arrestimet politike njësoj si etërit e tyre,në mes të të arrestuarve edhe kryetari i forumit rinor të Partisë Demokratike, Shkodër Arvit Bushati. Ne jemi të gatshëm të mbrojmë me çdo kusht Shkodrën nga pushtimi i Rilindasve të cilët përveç krimit e drogës nuk ndjellin kurrë asgjë të mirë. Të gjithë bashkë për të mos pranuar që e keqja të mbysë djepin e demokracisë!/ Opinion.al E.Xh.

Pas