Presidenti serb, Aleksandar Vuçiç është tërhequr nga plani i tij për vendosjen e orëve policore pas protestave masive në rrugët e Beogradid.
Vuçiç deklaroi të mërkurën se pa një gjendje të jashtëzakonshme, ai nuk do të mund të vendoste masa izoluese, raporton Euroneës. Kjo ishte një shenjë se ai nuk do të aplikonte masën e izolimit që kishte paralajmëruar nga e Premtja deri në ditën e Hënë.
Ai tha se task forca e vendit, kryeministri dhe ministri i shëndetësisë “ndoshta do të vendosin nesër masa më të ashpra, por pa përfshirë shtetrrethim”.
Shefi i epidemiologut të vendit, Predrag Kon, i tha kanalit kabllor të lajmeve N1 në fillim të ditës se protestat treguan se si njerëzit ndjeheshin për izolimin.
Më 7 korrik, pas një konference për media të presidentit serb, Aleksandar Vuçiç, qindra qytetarë u mblodhën para parlamentit serb për të kundërshtuar paralajmërimet për rivendosjen e orës policore.
Nga përleshjet para ndërtesës së parlamentit serb, mbetën të plagosur dhjetëra pjesëtarë të policisë dhe protestues.
Kritikët e Vuçiç e akuzuan atë se kishte fshehur numrat e vërtetë të situatës së koronavirusit për të patur fushatë dhe zgjedhje të qeta.
Nga ana e tij Vuçiç tha se nuk ka asnjë dyshim se protestat e dhunshme në Beograd kanë pasur për qëllim dobësimin e pozicionit të Serbisë para bisedimeve në Paris dhe Bruksel. /Opinion.al
