Komisioneri për Zgjerimin në BE, Oliver Varhelyi deklaroi se Shqipëria dhe Maqedonia e Veriut kanë treguar rezultate të mëdha në reformat e ndërmarra.
Në një postim në Twitter, ai shpreh bindjen e tij se refomat do të vazhdojnë dhe se Komisioni Europian nga ana e tij do të paraqesë kornizën e procesit të negoicatave.
Por komisioneri ka njoftuar gjithashtu se Bashkimi Europian ka bërë gati një paketë 30 milionë euro për Ballkanin Perëndimor e cila do të shërbejë për blerjen e pajisjeve mjekësore dhe gjithashtu po shqyrtohen masat që BE do të marrë për të lehtësuar pasojat ekonomike që do të sjellë kriza me pandemisë në rajon.
Në lidhje me vendimin e Këshillit të ministrave të jashtëm të vendeve anëtare të BE për të celur negociatat me Shqipërinë dhe Maqedoninë e Veriut ka reaguar edhe presidentja e Komisionit Europian, Ursula von der Leyen e cila e kosideron atë një lajm shumë të mirë si për rajonin ashtu dhe për BE-në dhe ka uruar kryeministrat e dy vendeve për këtë arritje. /Opinion.al
