Deputeti i VV-së, Rexhep Selimi ka folur lidhur me rastin e plagosjes së vëllait të tij, Islamit.
Në një bisedë me Magazina.al, Selimi i cili ndodhet jashtë vendi ka thënë se vëllai i tij është në gjendje të mirë shëndetësore dhe jashtë rreziku për jetë.
Ai ka thënë se Islami ka pasur një gërvishtje të lehtë dhe shëndeti i tij nuk ka telashe.
Ndryshe Isam Selimi, është plagosur me armë zjarri mbrëmë në Komoran.
Mediat raportojnë se Islam Selimi i ka shkuar në shtëpi Xhevat Nuhës, me ç’rast ka pasur përplasje fizike mes tyre. Nuha më pas e ka përdorur armën duke e plagosur Selimin, i cili ka marrë trajtim mjekësor në QKUK.
Policia e Kosovës, sipas ktv’së, e ka arrestuar Nuhën në vendin e ngjarjes. Motivet e përplasjes nuk dihen ende.
