Granit Xhaka nuk po kalon momente të mira te Arsenali duke u përplasur si me stafin e këtij ekipi ashtu dhe me tifozët.
Trajneri i Arsenal, Unai Emery, nuk pranoi të komentonte nëse Xhaka do të vazhdojë të qëndrojë më kapiten i skuadrës pas veprimeve jo të këndshme të lojtarit.
Emery tha: “Për momentin nuk dua të flas dhe as ta mendoj këtë gjë. Nuk është e lehtë as për të dhe as për skuadrën. Ai është i shkatërruar, i mërzitur. Kam folur me të të dielën dhe të hënën”.
Por, pavarësisht situatës jo të mirë te Arsenali, Federata Zvicerane e Futbollit ka reaguar duke shprehur mbështetjen totale për lojtarin me origjinë shqiptare, i cili gjithashtu është edhe kapiten te Zvicra. “Kemi kontaktuar me Granitin, vlerësojmë cilësitë dhe rëndësinë që ai ka për skuadrën kombëtare. Si rezultat nuk do të ndryshojmë qëndrim”./ Opinion.al
