Bota

Pas përplasjes mbi Grenlandën, SHBA-ja flet për marrëdhëniet me Danimarkën


               Publikuar në : 10:45 - 22/08/19 |
el ida

Sekretari amerikan i Shtetit, Mike Pompeo, ka folur për marrëdhëniet me Danimarkën pas një përplasjeje publike mes të dyja vendeve mbi Grenlandën.

Në një telefonatë me ministrin e Jashtëm danez, Jeppe Kofod, sekretari Pompeo “shprehu mirënjohje për bashkëpunimin e Danimarkës” si një aleat i SHBA-së.

“Sekretari shprehu vlerësimin për bashkëpunimin e Danimarkës si një nga aleatët e Shteteve të Bashkuara dhe kontributet e Danimarkës për të adresuar përparësitë botërore të sigurisë. Sekretari dhe ministri i jashtëm Kofod diskutuan gjithashtu për forcimin e bashkëpunimit me Mbretërinë e Danimarkës, përfshirë Grenlandën”, tha zëdhënësja e Departamentit të Shtetit, Morgan Ortagus në një deklaratë për shtyp.

Nga ana tjetër, ministri Kofod tha që bisedimet kishin konfirmuar lidhjen e fortë midis dy vendeve.

“Molla e sherrit” ose Grenlanda përbën një territor autonom danez, që gjendet në mes të Oqeanit Atlantik dhe atij Arktik. Ishulli ka një popullsi prej rreth 56,000 njerëzish, si dhe ka qeverinë dhe parlamentin e vet.

Më shumë se 80 për qind e ishullit është e mbuluar me shtresa të akullit, për të cilat ka shqetësime se mund të shkrihen si pasojë e ngrohjes globale.

Për shkak të lokacionit strategjik dhe burimeve minerale, presidenti Trump shfaqi interes për të blerë ishullin, por kryeministrja daneze, Mette Frederiksen, e quajti këtë një ide “absurde”.

Si kundërpërgjigje, Trump tha se kryeministrja e Danimarkës ishte “e ligë” dhe anuloi vizitën e planifikuar në Danimarkë, më dy shtator, me ftesë të Mbretëreshës Margarethe II./Opinion.al

 

Pas