Bashkia e Tiranës ka njoftuar sot përmes rrjeteve sociale se ka nisur punën për pastrimin e kanaleve kulluese në autostradën Tiranë-Durrës. “Pastruam kanalet kulluese në Kashar, për të shmangur çdo vështirësi të krijuar për shkak të shirave të këtyre ditëve”, shkruhet në Twitter.
Bashkia e Tiranës duket e vonuar për të pastruar kanalet pasi dhjetëra biznese e makina u përmbytën në ujë, mbrëmjen e së enjtes së kaluar.
Dëmet që u janë shkaktuar bizneseve janë kolosale. Po kështu edhe qytetarë të thjeshtë që u gjenden në vendin dhe kohën e gabuar u janë shkatërruar automjetet. Nuk ka ende një dëm total të përllogaritur nga shteti dhe asnjë informacion se kush do ti dëmshpërblejë. Prokuroria e Tiranës ndërkohë ka nisur hetimet për të zbuluar aryset e verteta të përmbytjes masive së autostradës Tiranë-Durrës.
/Opinion.al
Foto: Permbytja e datës 30 Nëntor 2017 në autostradë
