Kryetari i Kuvendit të Shqipërisë, Ilir Meta, në orën 18:30, do mbajë një konferencë për mediat.
Kreu i Kuvendit ka pritur në zyrën e tij, paraditen e sotme, kryeprokurorin e përgjithshëm, Adriatik Llalla në një takim që zgjati vetëm 20 minuta.
Si Meta ashtu edhe Llalla nuk kanë komentuar se për çfarë u bisedua në këtë takim, por burime prane prokurorisë thanë se ai ishte informues në lidhje me situatën e krijuar veçanërisht pas akuzave të forta që ambasadori amerikan lëshoi ndaj kryeprokurorit, por edhe përgjigjja e këtij të fundit.
Gjithashtu, sot, është mbledhur në Presidencë Këshilli i Sigurisë Kombëtare, i kërkuar nga kreu i Kuvendit, Ilir Meta në lidhje me mosarrestimin e Klement Balilit.
Me sa duket, këto, do jenë çështjet që Kreu i Kuvendit të Shqipërisë Ilir Meta do trajtojë në konferencën e thirrur për mediat pak minuta më vonë.
