Juventusi është mposhtur 2-0 në Liguria përballë Xhenovës. Pas mrekullisë kundër Atletiko Madridit në Champions League, duket se Juventusi ka nënvlerësuar ndeshjen e 28-të të kampionatit.
Trajneri Allegri i ka dhënë pushim një pjese të skuadrës, pasi në formacionin e parë mungonin emra si Ronaldo, Chiellini apo Matuidi, ndërsa ekipi ishte rreshtuar 3-5-2.
Pjesa e parë ka përfunduar me rrjeta të paprekura, megjithëse arbitri fillimisht i ka dhënë një penallti Xhenovës, të cilën më pas e anuloi.
Në pjesën e dytë, për Xhenovën ka shënuar ish-lojtari i Juventusit Stefano Sturaro në minutën e ’72 dhe ka dyfishuar Pandev në minutën e ‘81.
Juventusi qëndron në vendin e parë, më 75 pikë, 18 pikë më shumë se Napoli që do të luajë sot përballë Udineses./Opinion.al
