Një ditë pas drejtorit të OST-së ikën drejtori i ARRSH-së, Afrim Qendro. Shkarkimet e drejtorëve vijnë menjëherë pas largimit të Gjiknurit dhe ardhjes së Belinda Ballukut në krye të Energjisë dhe Infrastrukturës. Kujtojmë se në fund të dhjetorit Rama shkarkoi 7 ministra dhe zv/kryeministren.
Lajmi për largimin e Qendros u raportua nga “News 24”, ndersa pritet reagimi zyrtar i ministrisë. Burime për News24, bëjnë me dije se në vend të Qendros, do të emërohet Sonila Qato, ish-ministre për Sipërmarrjen. Dje i njëjti vendim ishte marrë për kreun e Operatorit të Sistemit të Transmetimit (OST), Klodian Gradeci, ndërsa në vendin e tij u emërua Skerdi Drenova.
Shkarkimet vijnë pas skandalit me kompaninë “DH Albania” e cila fitoi me dokumente false dy tendera me vlerë rreth 30 milionë euro për Unazën e Re dhe linjën e transmetimit të energjisë mes Burrelit dhe Peshkopisë.
/Ri.De
