Ish-ministri i Shëndetësisë Ilir Beqaj ka dhënë dorëheqjen si kreu i SASPAC (Agjencia Shtetërore e Programimit Strategjik dhe Koordinimit të Ndihmës).
Ky vendim vjen pasi SPAK vendosi masë sigurie ndaj tij për dosjen e koncensionit të “Sterilizimit”.
SPAK i ka caktuar detyrim paraqitje dhe ndalim për të dalë jashtë vendit ish-ministrit të Shëndetësisë.
Beqaj akuzohet për shpërdorim detyre dhe shkelje të barazisë në tendera.
Në bazë të masës së sigurisë të vendosur, Beqajt do t’i duhet të paraqitet para policisë gjyqësore të Byrosë Kombëtare të Hetimit, një herë në javë, ditë të premte, ora 15.30.
Ndërkohë, kujtojmë se për këtë çështje ish-zv. ministri i Shëndetësisë Klodian Rrjepaj dhe biznesmeni Ilir Rrapaj ndodhen në burg.
