Një tjetër konflikt është regjistruar në jug të vendit për sa i përket shfrytëzimit të vijës bregdetare.
Sipas policisë mbrëmjen e djeshme rreth orës 01:00 në Drimadhë, janë djegur 60 shezlonge të një biznesi të vogël në pronësi të shtetasit B.D.
Burime për abc news bëjnë me dije se djegia ka qenë e qëllimshme dhe se shkak mund të jetë bërë një konflikt i mëparshëm midis bizneseve për shfrytëzimin e vijës bregdetare në këtë zonë.
“Më datë 28.06.2021, rreth orës 01:00, në Drimadhes, Dhërmi, ka rënë zjarr dhe janë djegur rreth 60 shezlongë në pronësi të shtetasit B. D”, njofton policia
Ky konflikt vjen vetëm një ditë pasi në Velipojë, sherri për shezlongët mes pronarëve të bizneseve, u agravua në përplasje me armë ku mbetën të vdekur katër persona, ndërsa dy të tjerë u plagosën./Opinion.al
