Kryeministri Edi Rama do të organizojë ditën e nesërme një ceremoni për të nderuar boksierin shqiptar Florian Marku, i cili të enjten fitoi ndeshjen me meksikanin Miguel Parra.
Përmes një postimi në “Facebook”, kreu i qeverisë fton të gjithë qytetarët t’i bashkohen këtij eventi.
“Nesër, 27 gusht ora 11:00, nderojmë një tjetër krenari kuqezi, kampionin që po e ngjit flamurin shqiptar në majën e botës, Florian Markun dhe kush dëshiron e ka mundësi të na bashkohet është i mirëpritur”, shkruan Rama.
Kujtojmë se një ceremoni e tillë u zhvillua edhe për kampionen evropiane në garën e 3 mijë metrave me pengesa Luiza Gega./Opinion.al
