Pas lajmit për largimin e Ministrit të Brendshëm Saimir Tahiri e më pas informacioneve për një mbledhje qeverie ditën e dielë, Edi Rama ka shënuar postimin e radhës në Facebook. Me titullin: Qesh më mirë kush qesh i fundit, Kryeministri ka postuar në rubrikën Amarcord një skicë shoqëruar me një dialog satirik, mes pashait dhe vartësit të tij.
Të jetë kjo ironikisht përgjigja që Rama ka patur për Tahirin, apo ndoshta për të gjithë ata që u gëzuan nga largimi i tij? Kjo mbetet për t’u parë në ditët në vijim, ndërkohë që tashmë jemi mësuar me heshtjen e kryeministrit sa herë brenda qeverisë ka fjalë apo zhvillime për ndryshime në emrat e kabinetit.
