Është shkarkuar nga detyra shefi i komisariatit të Sarandës, Syrja Bello.
Ky vendim vjen pas paralajmërimit të djeshëm te kryeministrit, Edi Rama, pas ngjarjes së ndodhur disa ditë më parë në qytetin bregdetar të Sarandës, ku u plagos me armë zjarri në lokal një biznesmen.
Syrja Bello do të zëvendësohet në këtë detyrë nga Klodian Kondi.
Ndryshime ka pasur edhe në drejtorinë e Korçës, ku vendin e zëvendësdrejtorit Hamdi Fjore, i cili u emërua drejtor në Kukës, e zë Ferdinant Zëre.
Kujtojmë se në një takim me përfaqësues të Policisë së Shtetit për të riorganizuar të gjithë strukturën e këtij institucioni, Rama ka vendosur prioritete të qarta. Kryeministri Edi Rama i dha drejtuesve të policisë 100 ditë kohë për të realizuar të gjitha ndryshimet e kërkuara prej tij./Opinion.al
