Modelja me origjinë shqiptare Emina Cunmulaj shpesh publikon në Instagram momente nga jeta e saj e përditshme si dhe me dy vogëlushet e saj Ella dhe Mia.
Por këtë herë një koment dashakeqës lidhur me vogëlushet e saj e ka bërë Eminën të mendojë të mbyllë adresën e saj të Instagram.Ajo ka publikuar një video të gjatë ku shpjegon se përse po e mendon diçka të tillë.
“Unë jam e çmendur dhe shumë protektive kur vjen puna tek komentet për fëmijët e mi. Ti që fshihesh pas një profili fals dhe shkruan për vajzat e mia dhe mendon se ke të drejtë të thuash diçka të keqe për to, për të vërtetuar se je një njeri i mirë. Nëse do e dija si dukesh, do të nxija jetën para 1 milionë njerëzve. Nuk më intereson sa i madh apo i vogël je. Sado që dua të të uroj të vuash, më vjen keq për ty, sepse fakti që nuk e ndjen lumturinë që unë provoj çdo ditë të bën njeriun e keq që je”,-është një pjesë e fjalëve që Emina ka thënë.
Nuk dihet nëse modelja do ta marrë vendimin për të mbyllur profilin e saj në Instagram./Opinion.al/
