Hygerta Sako ka marrë vendimin të mos jap më asnjë intervistë në të ardhmen. Kjo vjen menjëherë pas “sherrit virtual” që moderatorja e sportit pati me reperin Stresi. Shkak është bërë një deklaratë e saj, e cila ka thënë se nuk e dëgjon muzikën rrep, dhe se nuk e njihte Stresin. Kjo ka bërë që reperi në fjalë të reagojë me anë të një video, ku fyen rëndë gazetaren.
Pas kësaj video, Hygerta ka dhënë një prononcim për portalin “Blitz.al”, ku ka njoftuar edhe vendimin e saj.
“Është e disata herë që portale të ndryshme, pa pikë profesionalizmi, vetëm për disa klikime, marrin fjali të intervistave të mia dhe i interpretojnë si të duan duke krijuar tituj bombastikë dhe për të bërë “lajme”. E fundit është abuzimi që është bërë në lidhje me deklaratën time për Stresin. Më duhet të sqaroj që s’kam asgjë personale me të, respektoj punën e çdokujt edhe pse mund të mos hyjë në shijet e mia. Kush e ka marrë mundimin të dëgjojë intervistën, do e kuptonte që nuk fola për Stresin, por për MUZIKËN RAP. Dhe në fund të fundit kam të drejtën time ta pëlqej diçka ose jo. Nuk i vë faj as Stresit dhe as fansave të tij që kanë lexuar vetëm titujt e këtyre portaleve pa pikë morali dhe respekti për njerëzit, i mirëkuptoj. Por ama kuptova që jemi thjesht “viktima” që përdoremi për të bërë klikime. Ndaj marr VENDIMIN që mos të dal më, në asnjë interviste këtej e tutje. U kërkoj ndjesë kolegëve të mi gazetarë, që mund të më kontaktojnë në të ardhmen. Nuk do lejoj më që fjalitë e mia të keqpërdoren dhe keqinterpretohen!!!””, u shpreh ajo.
Stresi nga ana tjetër e ka fyer gazetaren me anë të një foto në makinën e tij ku shprehet:
“Nuk habitem pse nuk pershtatem me te gjithe ju koleg apo te dashura moderatore !!! sepse sot jetojm ne nje kohe te poshter ku fshati digjet nderkohe qe kurva kreh floket !!!! disa do thone ky esht i trrashe nuk hec me kohen, ndersa un do them per ju a nuk u lodhet duke ndrru dashnor perdite ???? Ta ka fal zoti qe ta perdoresh me njeriun e zemres por jo me 300 spartane, cdo kuj i falen fatkeqesite por jo dobesite …. souuuuu pun te mbare”, shkruan ai.
