Është shtuar numri i kandidatëve që do të garojnë për President të Federatës Shqiptare të Futbollit. Pasi Armand Duka dhe Bashkim Fino shpallën kandidaturat zyrtarisht, duket se ka ardhur edhe një kandidaturë e tretë dhe bëhet fjalë për Shpëtim Halan.
Hala e kishte vetë-propozuar kandidatutën e tij për president të Federatës Shqiptare të Futbollit edhe më parë, por gjithsesi prodhoi befasi kur kjo kandidaturë u zyrtarizua pasi klubi i Delvinës vendosi ta propozonte duke e futur në garë me dy konkurrent të fuqishëm si Duka e Fino.
“Preferova që të pranoj propozimin e ekipit të Delvinës, në kontaktet që kam pasur me përfaqësuesin e këtij ekipi. Sepse unë kandidoj për presidentin të Federatës Shqiptare të Futbollit dhe jo për president të një qarku të caktuar. E mirëprita propozimin e ekipit të Delvinës dhe jam në garë për president i FSHF-së”, u shpreh Hala
Në lidhje me garën kundrejt dy kandidatëve të tjerë Hala u shpreh se duhet që klubet të votojnë paltformën dhe të mos ketë një votim politik, teksa shtoi se ky organizëm ka nevojë për një rrokadë.
“Mendoj se kam një platformë të qartë për të drejtuar Federatën Shqiptare të Futbollit sepse vij nga bota e sportit. Kam ekperiencë si albitër në një shtet si Itala, që ka zhvilluar shumë futbollin. Dy kandidatët e tjerë janë të fortë mediatikisht.
Njëri vjen nga politika ndërsa tjetri ka një eksperiencë të gjatë në drejtimine Federatës Shqiptare të Futbollit ku normalisht ka bërë edhe evolucionin e futbollit. Është koha që të ketë një rrokadë që të jetë një njeri i sportit në drejtimin e Federatës.
Mendoj se duhet votuar platforma dhe njeriu dhe nuk duhet votuar politikisht.”
Zgjedhjet që do të përcaktojnë edhe presidentin e Federatës Shqiptare për 4 vitet e ardhshme do të mbahen me datë 7 shkurt në qytetin e Durrësit./Opinion.al
