Parlamenti në Ukrainë shpalli gjendjen e jashtëzakonshme. Pasi ushtria ruse sekuestroi 3 anije ukrainase dhe arrestoi 23 marinarët e tyre në Detin e Zi.
Gjendja e jashtëzakonshme do të jetë në fuqi për të paktën 30 ditë dhe ushtria do të marrë kontrollin e vendit. Prania e saj do të jetë më e përqëndruar në kufijtë me Rusinë.
Presidenti ukrainas Petro Poroshenko e quajti akt lufte arrestimin e marinarëve. Sekuestrimi i anijeve u bë në ujërat territoriale të Krimesë, që Rusia e ka pushtuar 4 vite më parë.
Kapja e tre anijeve ukrainase nga Rusia i ka ndezur tensionet mes dy vendeve..
Gjatë një takimi të Këshillit Kombëtar ukrainas të Mbrojtjes, Presidenti Petro Poroshenko i përshkroi veprimet ruse një çmenduri e vërtetë”.
Ndërkohë, Ministria ukrainase e Mbrojtjes ka dhënë urdhër që ushtria të jetë në gadishmëri për betejë.
Incidenti ndodhi kur dy anije luftarake ukrainase dhe një rimorkiator po lundronin për në Detin e Azovit, në të cilin Rusia është vendosur fuqishëm që nga aneksimi i Krimesë në vitin 2014. Një traktat i viti 2003 e përcakton Detin Azov dhe ngushticën që çon në të, si ujëra të përbashkëta territoriale.
Më herët gjatë këtij viti, administrata e Presidentit Donald Trump i kërkoi Rusisë që t’i japë fund pengimit të anijeve ndërkombëtare në Detin Azov dhe ngushticën Kerç, që synon dobësimin e ekonomisë së Ukrainës.
