Trajneri i Kombëtares shqiptare Kristian Panuçi, ka reaguar për herë të parë pas humbjes së thellë me Ukrainën. Me anë të një interviste të publikuar në faqen zyrtare të FSHF-së Panuçi u shpreh se situata nuk është aq tragjike sa e bëjnë.
“Nuk ka asgjë kaq të rëndë, kaq katastrofike sa duket. Kemi bërë dy ndeshje shumë negative, sepse skuadrës i ka përfunduar benzina. Kemi shumë vështirësi, sepse ne nuk jemi Brazili, nuk jemi Franca. Jemi pa Bashën, Xhakën, Memushajn, Grezda, Sadikun. Mavraj ka 5 muaj që nuk luan. Ukraina kishte një cilësi ndryshe nga e jona. Kështu nëse nuk rikuperojmë të gjithë lojtarët e rëndësishëm, do bëjmë një përmbysje. Por jam absolutisht i bindur se kur të kemi gjithë lojtarët e rëndësishëm, ata që luajtën kundër Italisë, ata që luftuan 100 herë në portë kundër Spanjës, u shpreh Panuçi.
Panuçi vijoi deklaratën duke u shprehur se këtë fund sezoni, futbollistët ishin të lodhur. Ai tha gjithashtu se nuk i pëlqen të gjejë justifikime. Trajneri italian e gjen më së shumti fajin te mungesa e lojtarëve kryesorë të Kombëtares.
“Si gjithë shqiptarët unë jam i trishtuar dhe i mërzitur. Nuk është kjo skuadra që fitoi në Turqi, kjo skuadër komplet ndryshe. Ishte plotë me të rinj. Ishte e drejtë ti provonim, të rrezikonim, të shihnim nëse ndonjë prej tyre ishte i duhuri për skuadrën. Unë jam i bindur se në shtator, skuadra do rikuperojë të gjithë lojtarët, dhe do jetë konkurruese.”, tha ai.
I ndalur te fakti që premtoi se skuadra do të përqendrohej në sulm, Panuç u shpreh se kjo është e pamundur momentalisht pasi mungon forca, këmbët, dhe mendja e lojtarëve për të realizuar këtë gjë. “Edhe me Ukrainën zgjatëm vetëm 20 minuta”, tha Panuçi.
Ditën e djeshme trajneri i Kombëtares nuk u lejua nga tifozët të jepte një deklaratë. Panuçi nuk i mohoi problemet, por theksoi se janë gjëra të cilat rikuperohen./Opinion.al
https://www.youtube.com/watch?time_continue=9&v=u9Oa8GaIHUs
