Të gjitha kontratat e HEC-eve në vend do të skanohen lidhur me dokumentacionin apo parregullsi. Është ky vendimi i Ministrisë së Energjitikës dhe Infrastrukturës bërë publik nga Ministrja Balluku, në një dalje për mediat.
Sipas ministres, skanimi do bëhet mbështetur në në disa kritere: përputhshmëria ligjore, përmbushja e kushteve kontratuale dhe ndikimi mjedisor.
Balluku ka theksuar gjithashtu se deri në përfundimin e procesit të verifikimit, kontratat jo operative do të qëndrojnë të ngrira.
“Vetëm 96 kontrata për HEC-e të dhëna në vend janë operative. Jam këtu për të njoftuar nisjen e një proces skanimi për dokumentacionin e çdo subjekti të licensuar”,- tha Balluku.
Kujtojmë se dy ditë më parë qeveria ka anuluar projektin për ndërtimin e hidrocentralit të Holtës në zonën e Gramshit. / M.B
