Në një dalje për mediat kreu i PD-së Basha ka folur për helmimin e protestuesve, ai tha se ju takon autoriteteve shtetërore që të hetojnë ngjarjen. Më tej Basha është shprehur se sot do të vazhdoj fushatën me mintingun hapës në qytetin e Fierit. Po ashtu Basha është parë me sy të skuqur gjatë daljes për mediat.
“Efektet janë anësore dhe të përkohshme, ndërsa të gjithë janë të vendosur. Të gjithë e dimë se kjo nuk ishte tollumbace. Ndërsa presim zbardhjen dhe vënien para drejtësisë autorin, kushdoqofshin ata, po bëjmë edhe ne analizat tona. Kjo nuk ishte tollumbace. Por unë mund t’iu them se është detyra e autoriteteve shtetërore të vendosin para përgjegjësisë autorët, kushdoqofshin. Nëse kjo nuk ndodh, është një provë e gjunjëzimit total të shtetit. Ne po bëjmë analizën tonë, ne nuk do të ndalemi. Unë do të vazhdoj fushatën sonte në orën 19:00 në mitingun hapës në qytetin e Fierit. Asgjë nuk do të më ndalë mua dhe opozitën e bashkuar drejt fitores”, tha Basha. /opinion.al
